Share us

Sunday, December 16, 2012

විස්මිත වැසි

මිනිස් ජීවිතයේ පැවැත්මට අත්‍යාවශ්‍ය අංගයක් වන ජලය ලබා දෙන වැස්ස ස්භාවධර්මයේ මහඟු දායාදයකි.වැස්ස නැති වූ විට ද වැස්ස වැඩි වූ විටද මහත් විපත් ගෙන දේ. "අයං වස්සාන කාලෝ " කියන වැසි සමයේ භික්ෂූන් වහන්සේලා වස් වසති.වැහි බලා තම කෘෂිකාර්මික කටයුතු කරයි. අනොරා වැසි, හද්දා වැසි, මොර සූරන වැසි, අකල් වැසි ආදී විවිද වැසි අපගේ ජන වහරේ පවතී.

අහසින් ජලය ලබා දෙන්නේ වැස්සෙන්,හිම වලින් හෝ හිම කැට වලිනි. එහෙත් අහසින් ගල් වැසි වැටුනා කිවහොත් ඔබ පුදුම වනවා නිසැකය. වර්ණ විද්‍යාවට අනුවනම් වැස්ස සමග ජලය පමණක් බිමට පතිත විය යුතුය, නමුත් හූනන්, ගෙම්බන්, කුරුල්ලන්, සහ මස් හා ලේ පවා ජලය මුසුව වැසි ඇදහැලුණු අවස්ත වාර්තා වේ.

1870 අගෝස්තු මස ඇමෙරිකානු එක්සත් ජනපදයේ කැලිෆෝනියාවේ සැක්‍රමැන්තෝ හි වැසියන්ට දිය හූණන්ගේ වැස්සක් ලැබුණු බවට සැක්‍රමැන්ත්‍රෝ රිපෝටර් පුවත්පත වාර්තා කලේය.අඟල් දෙකේ සිට අට දක්වා දිගින් යුතු පණ ඇති හූණන් දහස් ගනනින් නගරයට වැටුන බව වාර්තා වේ. අහසින් හූනන් වැස්සේනම් ගෙම්බන් සහ මැඩියන් ඒත් සමග ඒම එතරම් පුදුමයක් නොවේ.ලොව සෑම දෙසින්ම ගෙම්බන් සහ මැඩියන් වැසි පිලිඹඳ වාර්තා වේ.

1794දී එක් අධික උණුසුම් සැන්දෑවක ප්‍රංශයේ ලලායින් නම් ගමකට විනාඩි 50ක් පමණ මැඩි පැටව්න් වැස්සත් සමග පතිත විය. ඉන් වැඩි දෙනෙකු ඉස්ගෙඩි අවස්ථාවේ සිටි බවත් හොඳින් පණ තිබූ ඔවුන් සෑම ජලයත් සමග සෑම දෙසටම ගමන් කල බව කියැවේ. මේ අවස්ථාවට සාක්කි වශයෙන් සිටියේ එවකට ඔස්ට්‍රියානු හමුදා වලට විරුද්ධව සටන් වැදී සිටි ප්‍රංශ හමුදා භටයින් 150 දෙනෙකි. හමුදා භටයින් සැඟව සිටි වළවල් වලට මේ ගෙඹි පැටව්න් වැටුන නිසා යුද කිරීම පසෙක ලා ඔවුන්ගේ තොප්පි වල හා ඇඳුමේ රැඳුනු ගෙඹි පැටවුන් ඉවත් කිරීමට සිදු වූ බව කියැවේ.

වර්ජීනියාවේ ඇලෙක්සැන්ඩ්‍රියා ගැසට් පත්‍රයේ 1855 දෙසැම්බර් කලාපය මෙසේ පල කලේය. "පටන්ගත් සීතල වැස්ස කෙමෙන් කෙමෙන් හිම බවට පෙරැලිණි. නමුත් සාමාන්‍ය හිම වලට නොවේ, උදෑසනම එලූ කලු විල්වුද පලසක් මෙන් මුලු පෙදෙසම දිස් විය. හිම වලට උඩින් ගනන් කල නොහැකි අයුරින් අල්පෙනිති තුඩු වලට වඩා කුඩා කුරුමිණියන් වසා සිටියහ. නගර වාසීහු අඩපණව සිටි කෘමීන් ගෙන රස්නය ලබා දුන් විට නැවත යතා තත්වයට පත් විය".


වෙළඳපලේ මාළු වල මිල ඉහල මෙවැනි සමයක මාළු වැස්සක් වැටුනොත් මාළු වෙළෙන්ඳන්ට කෙතරම් සතුටක් අති වෙයිද?. 1934 පෙබරවාරි මාසයේ ඕස්ට්‍රේලියාවෙ කිලාන්හි දුම් රිය පලට වැටුනු වැස්සක මිරිදිය පර්ච් වර්ර්‍ගයේ මාළු 150ක් පමණ සිටියහ.ඔවුහු මිදී සිටියෝය, 1878 සැප්තැම්බර් 11 වැනි දින සවස කැලිෆෝනියා බට් කවුන්ටියට මිරිදිය මාළු සහ කැට්ෆිෂ් වර්ගයේ මාළු වැස්සක් පතිත විය. විද්‍යාඥයෝ මෙවැනි සිද්ධීන් වලට හේතු ලෙස දක්වන්නේ ටොනේඩෝ කුණාටු මගින් මාළු හෝ වෙනත් ජීවී ගහන ජීවත් වන ප්‍රදේශ වලින් ජීවීන් උඩට ඇද ගන්නා බවත් අහසේදී සුලඟත් සමග ඈතට ඇදී ගොස් වැස්සත් සමග යලි බිමට පතිත වන බවත්ය.

ඔබ පාරේ ඇවිද යද්දී බිත්තර වැස්සක් පතිත උවහොත් ඔබට කෙඹඳු හැඟීමක් ඇති වේ ද? නමුත් 1786 මැයි 5 දින මාස 6ක දැඩි නියඟයකට පසු හැමු නැගෙනහිර සුළං වැස්සකින් බටහිර ඉන්දීය කොදෙව් වල හයිට් දිවයිනේ පෝර්ට් ඒ.ඕ. ප්‍රින්ස් වලට කළු බිත්තර තොගයක් පතිත විය.මින් සමහර බිත්තර රක්කවන ලද අතර ඉන් බිහි වූයේ හම් තට්ටු කීපයකින් යුතු ඉස්ගෙඩියන්ය.


මේ බිත්තර වර්ෂාවෙන් පසුව ඊළඟට වාර්තා වන්නේ 1977 නොවැම්බර් මස ඇමෙරිකාවේ කැලිෆෝනියාවේ ලුවී ඔවිස්පෝ වෙත වැටුන මළ සහ මැරෙමින් සිටි 500ක පමණ කවුඩු පණික්කියන් සහ පරෙවියන් රෑනකි,

මෙවැනි වැසි ලොව නන් දෙසින් වාර්තා වන අතර සමහර සිද්ධීන් වලට විද්‍යාත්මක විසඳුමක් ලබා දීමට අපහසු වී ඇත ,.,.එහෙත් 99%ක් ම විද්‍යාත්මකව පහදා ඇත



උපුටාගැනීම-: විස්මිත ලොකය
                     අසෝක මාලිමගේ

No comments:

Post a Comment